Saghar Se Lab Laga Ke Bohat Khush Hai Zindagi ...

Saghar Se Lab Laga Ke Bohat Khush Hai Zindagi,

Sahan-E-Chaman Men Aa Ke Bohat Khush Hai Zindagi,

Aa Jaao Aur Bhi Zaraa Nazdeek Jaan-E-Man,

Tum Ko Qareeb Paake Bohat Khush Hai Zindagi,

Hotaa Koi Mahal Bhi To Kya Poochhte Ho Phir,

Be-Wajah Muskura Ke Bohat Khush Hai Zindagi,

Saahil Pe Bhi To Itni Shagufata Ravish Na Thi,

Toofaan Ke Beech Aa Ke Bohat Khush Hai Zindagi,

Veeraan Dil Hai Aur "Adam" Zindagi Ka Raqs,

Jangal Mein Ghar Bana Ke Bohat Khush Hai Zindagi ...

Poet : Abdul Hameed Adam